អំពីក្រុមហ៊ុន

សូមស្វាគមន៍ ការមកកាន់ ជី ធី អេ ស៊ី ឯ.ក (G T A C CO.,LTD) ដែលជាក្រុមហ៊ុនប្រឹក្សា ចុះបញ្ជីអាជីវកម្ម គណនេយ្យ និងពន្ធដារ ឈានមុខគេ នៅក្នុងព្រះរាជាណាចក្រកម្ពុជា។

ជី ធី អេ ស៊ី ឯ.ក (G T A C CO.,LTD) បានចុះបញ្ជីក្រោមលេខ ០០០៤០៧២០ ចុះថ្ងៃទី ២២ ខែ តុលា ឆ្នាំ ២០២២ ស្ថិតនៅក្រោមការគ្រប់គ្រងរបស់ក្រសួងពាណិជ្ជកម្ម និងទទួលអាជ្ញាប័ណ្ណជាភ្នាក់ងារសេវាកម្មពន្ធដារ ដោយអគ្គនាយកដ្ឋានពន្ធដារ ក្រោមលេខៈ TA202212004 ចុះថ្ងៃទី ១៦ ខែធ្នូ ឆ្នាំ២០២២។ យោងទៅលើបទពិសោធន៍ការងារចាប់តាំងពីឆ្នាំ ២០១៧ មក G T A C CO.,LTD បានកសាងកេរ្ដិ៍ឈ្មោះ និងគុណភាពនៃការផ្តល់សេវា ដែលទទួលបាននូវភាពល្បីល្បាញទាំងប្រទេសកម្ពុជា។ ជី ធី អេ ស៊ី ឯ.ក (G T A C CO.,LTD) ក៏បានអភិវឌ្ឍធនធានមនុស្ស លើផ្នែកធុរកិច្ច និងគណនេយ្យ ពន្ធដារ ដើម្បីបម្រើនិងបំពេញតាមតម្រូវការចាំបាច់ នៅពាសពេញផ្ទៃប្រទេស។ សមិទ្ធផលសម្រេចទាំងនេះទៀតសោត បង្ហាញឲ្យឃើញថា ជី ធី អេ ស៊ី ឯ.ក (G T A C CO.,LTD) មានតួនាទីយ៉ាងសំខាន់ និងមានជំនាញច្បាស់លាស់ លើការផ្តល់សេវាកម្ម ផ្នែកចុះបញ្ជី គណនេយ្យ និងពន្ធដារ រួមទាំងសេវាពាក់ព័ន្ធផ្សេងៗទៀត ពីជំនាន់មួយទៅជំនាន់មួយ ដែលជាការចូលរួមចំណែកដ៏សំខាន់លើការអភិវឌ្ឍប្រទេសជាតិផងដែរ។

គោលដៅចម្បងរបស់យើង គឺផ្ដល់ការអប់រំបណ្ដុះបណ្ដាលបច្ចេកទេស និងវិជ្ជាជីវៈ ដែលមានគុណភាពខ្ពស់ ប្រកបដោយសុជីវធម៌ និងសីលធម៌ ដើម្បីផ្តល់ ជូនប្រជាពលរដ្ឋខ្មែរទាំងអស់នូវទិសដៅត្រឹមត្រូវ ស្របទៅតាមស្តង់ដារ បង្កើនធនធានសម្រាប់ប្រទេសជាតិ។ អាទិភាពដំបូងរបស់ក្រុមហ៊ុន ជី ធី អេ ស៊ី ឯ.ក (G T A C CO.,LTD) សម្រាប់ការអភិវឌ្ឍ គឺការផ្ដល់នូវ ការប្រឹក្សាយោបល់ ចែករំលែក ជ្រោមជ្រែង និងការបណ្តុះបណ្តាល ជម្រុញទឹកចិត្ត ក្នុងការកាត់បន្ថយភាពស្មុគស្មាញ ចំណេញពេលវេលា លុយ និងមានសន្តិភាពផ្លូវចិត្ត។

តាំងនាមឱ្យថ្នាក់ដឹកនាំ រួមទាំងបុគ្គលិកទាំងអស់នៃក្រុមហ៊ុន ខ្ញុំបាទរីករាយស្វាគមន៍ នូវរាល់ដៃគូអភិវឌ្ឍន៍ជាតិ និងអន្ដរជាតិ ដើម្បីផ្សារភ្ជាប់ទំនាក់ទំនង ក្នុងការកសាងប្រព័ន្ធអប់រំបណ្ដុះបណ្ដាលបច្ចេកទេស កាលក់ដូរ ប្រកបកិច្ចការផ្សេងៗ ដល់ប្រជាពលរដ្ឋខ្មែរដើម្បីជាគ្រឹះដ៏រឹងមាំសម្រាប់អភិវឌ្ឍធនធានមនុស្សនៅក្នុងប្រទេសកម្ពុជា។